imazighen ad ilin negh afuden !!

février 20, 2009

Ull-nk d ull-inu

Classé dans : Uncategorized — tanirt @ 4:24  

ull-nk d ull-inu

i agellid n ull inu ! Wink

Igh k ssudemgh
S iman inu
Igh k jligh ger
ifassen inu
igh nuker ayyur
a winu
nefsi nexwsi
nmuddu
nsnudu ntu attan nk
d umetta nu
ad t ur tnnit i yan
a tassa nu
amer i ull nk
d ull inu

mon-amour1

nzzul i wakuc
n tayri
niwz addan d waddan
ur nermi
nzwur imal
ntu akw iwdan
nkcem amzruy
nsmerwi talasin
nara f ullawn ngh
s usmerghi n itran
nllef i tillawt
nski amadal yuger
wad
neg gis igeldan
is ur nzri iwttan
n imarayn ?
i sur tgi tallast ngh
maf taran imaratn ?

tayri nk tiggest
gh urr inu
s twengimt…takat n
taggugt ngh
a y asmun inu
tassa nu tra k s tutlayin
n umadal tennat
d ur as isella yan
amer ull nk
d ull inu
!

tanirt

janvier 14, 2009

agellid n afud

Classé dans : Uncategorized — tanirt @ 3:38  

agellid n wafud

ay agellid n wafud iz nik
a mi tsutulet
aha ifx inu awi-t, mac ul d iman
gan ak tuggumet
aha y azerf inu x tudert mac tamarayt inu
tlla yak gh tagguget
ay agellid n wafud rzefgh ak timzi

zund aghellay n tafuket

clip_image0018

mac tamazight inu iman n tamazgha
ur sar tafûd
mac iles inu amazigh ameghlal
ur – k issen ay afud
ifêd n itri n tayri i y izuran, han ur d
ulawen af nhul
ur gigh taderghalt annigh tillas rban
azal n tasut

ahh! a tagwmat ilsan ilm n talgwmat imdi
arraw asnuhyu nnunt
iswu yam iman f tanegaddayt ad gin
ussfan negh tafsut
sarsegh azga n tkwssadîn ,azemz
n ufessa nttut
tudert i tamazight, nttat af nlul af
rad nafûd

a y agellid n wafud.

 

 

Tanirt

 

 

 

taghwrit n irafan

Classé dans : Uncategorized — tanirt @ 3:27  

Taghwrit n irafan

 

Taghwrit a tiqcicin N udrar

Utat rrec rekz-at S yu dar

Ull n akal issutr Anzar

Ixef n ifiss ikers Tifras

Sutel n as uccan

Ccan swan

Uffen ihelgan Sun ilallen

Bzdin talat  N irkan

clip_image0017

Ngedn mraw Idudan

G tikint n Ikerkas

sudemn tangaddayt

Bikes en s Takna nes

Zuln yat titt

Squqqin tayad

Ghwman yan ufus

Bbin gwmas

Iwdan s tassast Zgan

Am izran.. Laz d irafan…

Gar amelsa A ten isallan

Tizdert asafar N imudan

Tawlaft n idurar Tagerst

Agh tffaw…

Mad nnan?

Mad sul nnan?

Taghwrit a tifawin N uzekka

All at acenyal

All at ar afella

Aydangh nfkat

Akal negh izwa

Arraw alwgmad

Ar islibbit  Gh ufessa

Ndder.. Ur nella

Ddaw addag N tisumga

agh nedja

Awd tagwmat ar  Tnezza

Awd ull n tillas Jaj tifawin

Agh iheda

Awd tadsa f  Timariwin

Tga taghnsa

Azul a y ixef n  Ifis

Sutr gh ak afra  

 

Tanirt le 20/08/2008

     Adad n mawas

       tafraout

 

janvier 3, 2009

Acku ..

Classé dans : Uncategorized — tanirt @ 11:34  

Acku ..

 

 

nlul ar nsmittiw acku…


nmghi gh tirzi acku…
nsawl s ills wayad acku..
nles aqchabns ar itikrir acku…
nukz is ur ngi yan acku…
nemmagh d igwyangh ackuclip_image0013

nut gratengh s takat acku…
nsderf laz gh ikaln acku…
nengha azzan d awssar acku…
nsfed afra zegh ullawn acku..
nssum zegh idmarn n gar acku…
nssudm taddart gh tillas acku…
nksud ad fellagh irkz imal acku…
nbiks nut recc i tkwssadin acku..
nmqur ur agh yumi umadal acku…
nghal is ur sar nafud acku…
nga afgan s wassagh acku..
ntu is afra d tayri af nder acku…
acku..

 

 

tanirt

 

décembre 30, 2008

Mad sul ighaman ?

Classé dans : Uncategorized — tanirt @ 5:49  

Mad sul ighaman ?

 

Mad sul ighaman ?
Ligh tentut tiflwin
N umadal inu
S war tasdaqqart…
Ligh tzemmemt assagh nem
Jaj n ull inu
Tzrit igwtan…
Tssfed t tayri nu
I tmizar
Ligh zzulgh I y idurar nem
Ggulegh s wakal nem
Ur dim attagh

Mad sul ighaman?
Ligh mmagheh s iskaren…
S uxsan..
Ad sfalkaygh azzar nem
S ujig azwggagh
Ad am lesgh timlsit
Tamallalt
Zulgh tittawin nem
S unaruz…s imal…
Ad zwugh ger tifiras n
Ixef ifiss tummenda
N igldankkkk

Mad sul ighaman?
Ligh tgherst I tiwwurga
Tsnazwat urtan
Gin idraren maf
Yalla yan
Tssumet urin n umdyaz
Amdyaz li kem immatern
S taguri…akwrraj…
Asmerghi n itran…
Ligh trzit…tkwnit…
Ar allagh
Ligh tzzelt I gar arraw
Ar ithlulluy ger idmarnem
Ar itrkaz
Tfsit ger ussudem ns
D taxendallast n izan

Mad sul ighaman??
Ligh ndfer aman
N marur
Nsbutel s ikerkas
Ligh nghwma aghenbub nem
S tifawin
Ad ur ferkn I tillas
N urawn
I tidet n ufgan
I warraw nem aderghal
I amazigh s wassagh..
War iman….

Mad sul ighaman??
Ligh gim ur nlul
Ntnchel fallam
Ligh gim ur nemghi
Ar gim ntmrurud
Srin ifadn
…………………………………..

tanirt

 

asghar uri takufen

Classé dans : Uncategorized — tanirt @ 5:14  

asghar uri takufen

i ait adad n mawas

 

timilla n rebbi f dada hmad
illuza sul lluban igigel udad
ametta isul yumer wayyad
adad n mawas iglit ubukad

urrid a yahwac n dad amghar
righ anwal n tabeti ati d  nraradad1

tugi tawanza timyurin tugi adrar
tamazight x ilsawn manza timitar

jlant awk tizwa neg tadsa
tibdit n aytma ar tsalla
ibeks umazdagh s tighzi n tamya
neg imazdan igh sul nra
asghar iruf ura yakuf
argan idus uray namum
awal idrus ayyaw yafuf
afar iqqur izdeght wafud

 

 

tanirt

 

 

aqccab n tumert

Classé dans : Uncategorized — tanirt @ 4:57  

aqccab n tumert

 

mammu rad ddergh
uremgh aqccab n tumert

umergh s ighyi tsalla tudert
ukergh x timyurin abekkas n tizdertf3xeno12
ukezgh is gigh tagallidt n war tamurt

mammu rad ddergh
i tudert ad taghzent isumumen urin
i lhma d ussamid ngumi twriwin
neghd asatta mmu lah ifegign
ndder ukan i tagudi d lhul d twdiwin

mammu rad ddergh
tuget n tadsa addal i tmattawin
igiyyi aseklu assmun,neg làammart ni tjdigin
tfsi tasa d ufessa n id,d tifawt n titratin
tumert x udem n wayyur tudert x ikaliwn.


mammu rad ddergh.

tanirt

décembre 24, 2008

tuwqqast n tudert

Classé dans : Uncategorized — tanirt @ 5:48  

tuwqqast n tudert

 

swugh iman ad tugh
tugh assagh inu
ur tugh
rwelgh a ya artuminu
ad tugh
tazit n ides d tittawin
tallast n id s illes n timzawiyin
tillas…ametta…attan
ahh! d waddan n tagarst
afud n tumert
tighzi n tizdert

lalala


akem yudu a tudert
ur gim nlul
f anezdi d tassasin
tlsit udem n tiwwudc
ur tffawt ur tllast
ur trgagit
igh ar gim talla tagarst
s inzaren
iswgasn urin n ull as
smittiwn

ur k irzi gar azemz
ay aghanim
is ka tkwnit s tighzins
tisliwt
ur d tizdert a yull
ak ibrin
is ka tmdit s tighzins
trmit

swugh iman ad tugh
swwuri niyyi d ikwtayn
ur tugh
tuwqqast n tudert.

tanirt

 

Classé dans : Uncategorized — tanirt @ 5:16  

tujut n tghensit

 

ar ka tattat ajig n tumert
f tiqcicin
igh tazet tawala nw a tudert
taneft i y ull igellin

mac x yan id tmeda tizdert
nakwr azmumeg n tazanin
sallagh i tasa d ull
ar tiriren
syafagh izri d iman koi2

ar tziflilen
ger taghlaghalt n tghwratin
x uhwac ger tizararin
ihuc winu x iwiz an
ilsan issid n tifawin
izil wayur ger itran
irruda ntan ger imariren
zegh akud an nzi d talla ngh
d tilli zrinin
ur am nswrf a tafuset
ickeden x tghensit
ula yam nswrf a tujut nes
tsderft iman x tawargit

tzug s ull ar igenna yan
yagwgen y ifaw ger titratin
s ighah imerreq uzemz s tadsanem
a tudert n turannin

yilih winu ifel tghensit nes
tgigel ger tifassin
nagwred d ufessa n id
inzer s tassasin
aha winu a tudert rzefet

i yat ger tiqcicin
ur anafud ull ad yudat
anufel n timadyazin

tanirt

 

TAGERZAWT

Classé dans : Uncategorized — tanirt @ 4:47  

TAGERZAWT

igh tufit a yull taddart
yufen issid
kcemet
igh tufit amelhaf
yutin anufel
sbuttelet
rez tifelwin
zri iggutan
trwelet
ar amadal-an yaggugen
ar tuktt n udrar-an
yatuyen
igh gis tufit assmun
x ighed n ujeddar nek
mdelet

la-joie

imyur x tasila n wattan
bikkes s tazit d itran
ssuteg yan k isimziyn
tsut ilalen
tizduyt f ulawen
ad agwren ikwtayen
war igdam…war imal
man tamimt x usyafa
s ibarrayen?

tagerzawt…tagerzawt
f talalit n ussfan-an
as nzul allen-ad
a tudert
as nghers i yunaruz
n tumert
as nut taghwrit
n tizdert
ur trgagi tasanem
nsmammi f tifert
tngi iman d wasif
n tiwwurga
qqarent tittawin ,tunet
ak ametta
war tayri x urtum
n ufgan ilsan
aqeccab n tissurma

igh ka tufit ayull
mak yutin x tassast
akuret.

tanirt

2007

 

 

Page suivante »

Thème Rubric Propulsé par WordPress.com.

Suivre

Recevez les nouvelles publications par mail.